training mein bohot cheezein missing hain
Mujhe lagta hai ki training process mein kaafi kami hai jo software ko effectively use karne mein problem create kar rahi hai. Starting mein sign-up aur basic setup toh samajh aata hai lekin jab aata hai real daily kaam ko karne par, toh instructions itni detailed nahi hoti. Training mainly ek baar wali lagti hai, jisme ongoing processes ya updates ke baare mein kucch clear nahi samjhaya jata hai. Agar mujhe updates ke baad naye methods seekhne hote hain, toh wo kabhi-kabhi mere upar chhor diye jate hain jaise ki self-learn karna meri zimmedari ho. Payment aur invoice ka system thik tha par software features jaise dialer aur database use karne ke liye jo continuous guidance chahiye woh largely missing thi. Support kaafi inconsistent lagta hai, kuch calls helpful thi lekin kaafi baar mujhe apne issues ko dubara samjhane padte hain. Overall mujhe lagta hai agar thoda detailed aur repeat training di jaye toh software use karna thoda aasaan ho jayega. Abhi mujhe lagta hai ki main sirf limited features hi confidently use kar paya hoon, jo ki kaafi disappointing thi.