Training ka jo level expect kiya tha, wo nahi mila
Mujhe laga tha ki training aur onboarding process mein jab bhi koi problem aayegi, toh company ka support team usse effectively handle karega, par aisa nahi hua. Jab main software setup kar raha tha, kuch cheezein galat bhi hui, jaise dialer ka proper kaam na karna aur database syncing issue. Maine support ko call kiya tha toh response itna slow mila ki mera workflow totally ruk gaya tha. Jo training sessions diye gaye they, wo itne basic the ki wo problems cover bhi nahi karte the jo maine face ki, aur onboard karwane mein clarity bhi nahi thi. Mujhe laga tha ki agar kuch galat hota hai toh wo steps easily samjha diye jayenge, taaki main jaldi nikal sakoon problem se. Lekin training ka jo maqsad hai wo pura nahi hua, clarity nahi mili aur onboarding kaafi stressfull experience tha mere liye. Isliye main ye nahi kahunga ki is process ne meri jitni help karni chahiye thi, kiya. Overall, mera experience disappointing raha solution-wise aur guidance-wise dono mein.